《ᦅᧄ ᦃᧇ ᦋᦹᧈ ᦷᦓᧅ ᦑᧂ ᦜᦻ》
ᦝᧂ ᦑᦸᦰ ᦗᦸᧈ ᦷᦎ ᦡᦳᧂ ᦶᦎᧃ ᦦᦱᧂᧉ ᦁᦱ ᦓ ᦟᦱᧃᧉ ᦷᦍᧆ
ᦷᦌᧆ ᦌᦱᧆ ᦠᦸᧄ ᦡᦸᧅᧈ ᦺᦙᧉ ᦶᦙᧈ ᦕᦹᧂᧉ ᦅᦸᧉ ᦀᧁ ᦷᦟᧆ ᦺᦂ ᦉᦸᧃ
ᦵᦑᦲᧈ ᦓᦲᦰ ᦓᦱᧂ ᦡᦲ ᦺᦃ ᦂᦸᧃ ᦎᦱᧃᧉ ᦎᦱᧄ ᦓᦱᧁ ᦋᦹᧈ ᦷᦓᧅ
ᦓᦱᧂ ᦡᦲ ᦷᦍᧅ ᦀᦸᧅᧈ ᦠᦹᧉ ᦗᦲᧈ ᦓᦸᧂᧉ
ᦋᦹᧈ ᦷᦓᧅ ᦊᦴᧈ ᦡᦳᧂ ᦂᦸᧃᧈ ᦵᦓᦲ
ᦵᦗᦲᧃᧈ ᦞᦱᧈ ᦷᦓᧅ ᦁᧃ ᦣᦴᧉ ᦅᧄ ᦅᦳᧃ ᦓᦲᦰ ᦔᦲᧃ ᦷᦓᧅ ᦶᦀᧃᧈ
ᦷᦓᧅ ᦋᦸᧇ ᦶᦙᧃᧈ ᦓᦲᦰ ᦔᦲᧃ ᦷᦓᧅ ᦠᦱᧆ ᦉᦲ ᦜᦲ ᦟᦲᧃ
ᦃᧁ ᦋᦱᧂᧈ ᦂᦰ ᦑᧄ ᦢᦳᧃ ᧞ ᦉᦲᧃ ᦕᦸᧃᧈ ᦑᦸᧂᦰ ᦂᦱᧃ ᦣᦻᧉ
ᦷᦓᧅ ᦁᧃ ᦵᦜᦲᧄᧉ ᦍᦰ ᦍᦻᧉ ᦅᦸᧉ ᦔᦲᧃ ᦶᦠᧂᧈ ᦍᦳᧂ ᦆᧄ
ᦷᦓᧅ ᦐᧄ ᦎᦱ ᦓᦲᦰ ᦔᦲᧃ ᦷᦓᧅ ᦺᦝ
ᦙᧃ ᦋᦱᧂᧈ ᦶᦈᧇ ᦶᦂᧄ ᦺᦢ ᧞ ᦊᦴᧈ ᦟᦸ ᦂᦸ ᦟᦱᧉ
ᦷᦓᧅ ᦋᦱᧂᧈ ᦅᦲᧈ ᦔᦲᧅᧈ ᦀᦱᧉ ᦅᦸᧉ ᦔᦲᧃ ᦶᦠᧂᧈ ᦶᦌᧁ ᦡᦳᧂ
ᦷᦓᧅ ᦋᦱᧂᧈ ᦢᦲᧃ ᦉᦳᧂ ᦉᦳᧂ ᦓᦲᦰ ᦔᦲᧃ ᦠᦳᧂ ᦆᧄ ᦕᦻᧉ ᦵᦑᧁ ᦵᦙᦲᧂ ᦠᦱ ᦅᦴᧈ
ᦷᦓᧅ ᦋᦱᧂᧈ ᦢᦲᧃ ᦶᦀᧁᧈ ᦃᦹᧃᧉ ᦵᦙᦲᧂ ᦝᦱᧉ ᦔᦲᧃ ᦷᦓᧅ ᦷᦂᧅ ᦶᦂᧂ
ᦷᦎ ᦋᦱᧂᧈ ᦶᦔᧂ ᦷᦠ ᦺᦈ ᦐᦲᧄ ᦶᦃᧃ ᦠᦱᧅ ᦔᦲᧃ ᦷᦓᧅ ᦎᦴᧉ
ᦃᧃ ᦊᦴᧈ ᦂᦸᧉ ᦂᧃ ᦺᦞᧉ ᦵᦉᧂ ᦉᦱᧈ ᦡᦴ ᦞᦸᧃ
ᦍᧂ ᦙᦲ ᦷᦓᧅ ᦂᦸᧆ ᦂᦸᧂᧈ ᦎᦱ ᦶᦡᧂ ᦙᧃ ᦋᦱᧂᧈ ᦀᦸᧅᧈ ᦍᦱᧄ ᦶᦟᧂ ᦵᦙᦲᧈ ᦆᧄᧈ
ᦷᦓᧅ ᦁᧃ ᦺᦈ ᦂᧄᧈ ᦉᧁᧉ ᦅᦸᧉ ᦔᦲᧃ ᦷᦓᧅ ᦡᧄ ᦔᦱ
ᦙᧃ ᦓᦲᦰ ᦉ ᦶᦛᧂ ᦠᦱ ᦡᦽᧉ ᦚᦳᧂ ᦋᦳᧄ ᦋᦲᧃᧉ ᦵᦗᦲᧃᧈ
ᦢᦲᧃ ᦵᦟᦲᧃᧈ ᦕᦻᧉ ᦐᦸᧂ ᦓᧄᧉ ᦢᧁᧈ ᦣᦴᧉ ᦃᦱᧆ ᦉᧅ ᦞᧃ ᦍᦱᧄ
ᦷᦓᧅ ᦷᦂ ᦎᦻ ᦅᦸᧉ ᦔᦲᧃ ᦷᦓᧅ ᦶᦉᧃ ᦶᦎᧈ
ᦙᧃ ᦓᦲᦰ ᦶᦉ ᦶᦅ ᦎᦱ ᦺᦞᧉ ᦜᧇ ᦙᦹᧃ ᦢᧁᧈ ᦃᦱᧆ
ᦷᦓᧅ ᦁᧃ ᦣᦸᧂᧉ ᦈᦱᧆ ᦈᦱᧆ ᦅᦸᧉ ᦔᦲᧃ ᦷᦓᧅ ᦶᦎᧈ ᦶᦞᧃ
ᦃᧁ ᦺᦔ ᦺᦐ ᦓᦲᦰ ᦠᦱᧅ ᦶᦓᧃ ᦷᦂᧃ ᦣᦳᧂ
ᦷᦓᧅ ᦁᧃ ᦺᦢᧉ ᦆᦳᧆ ᦆᦴᧉ ᦢᧁᧈ ᦋᦱᧂᧈ ᦓᦸᧃ ᦜᧇ ᦂᦱᧂ ᦞᧃ
ᦷᦓᧅ ᦍᦸ ᦆᧄ ᦅᦸᧉ ᦔᦲᧃ ᦷᦓᧅ ᦈᦸᧅᧈ ᦢᦱᧃᧉ
ᦃᧁ ᦠᦱᧅ ᦎᦱᧃᧉ ᦂᧃ ᦺᦞᧉ ᦅᦸᧉ ᦋᦱᧂᧈ ᦷᦎᧅ ᦜᧂ ᦆᦱ
ᦵᦑᦲᧈ ᦓᦲᦰ ᦓᦱᧂ ᦅᦸᧉ ᦙᦱ ᦵᦋᧃ ᦋᦱ ᦡᦲ ᧞ ᦢᦸᧅᧈ ᦋᦻ ᦞᦱᧈ ᦶᦈᧂᧉ
ᦷᦓᧅ ᦃᦲᧉ ᦶᦜᧂᧉ ᦅᦸᧉ ᦔᦲᧃ ᦷᦓᧅ ᦷᦏ ᦷᦜ ᦆᦱ
ᦷᦓᧅ ᦁᧃ ᦉᦻ ᦎᦱ ᦶᦂᧂ ᦆᦹᧃ ᦔᦲᧃ ᦷᦓᧅ ᦋᦲᧉ ᦵᦈᧇᧈ
ᦢᦲᧃ ᦵᦟᧇ ᦡᦽᧉ ᦐᦸᧂ ᦓᧄᧉ ᦑᦱᧄ ᦠᦽᧉ ᦂᧇ ᦡᦳᧂ
ᦷᦓᧅ ᦁᧃ ᦣᦸᧂᧉ ᦵᦉᧂ ᦉᦳᧂ ᦞᦾ ᦞᦾ ᦑᦲᧈ ᦐᦸᧈ
ᦎᧂᧉ ᦟᦸ ᦶᦂᧁᧉ ᦷᦎ ᦓᦾᧉ ᦅᦸᧉ ᦃᧃ ᦷᦙᧃᧈ ᦞᦸᧃ ᦺᦈ
ᦙᧃ ᦋᦱᧂᧈ ᦃᧃ ᦑᦲᧈ ᦺᦂ ᦢᧁᧈ ᦟᦳᧂ ᦙᦱ ᦺᦂᧉ
ᦷᦓᧅ ᦁᧃ ᦺᦡᧉ ᦶᦗᧉ ᦋᦱᧂᧉ ᦙᦲ ᦅᦱᧈ ᦷᦓᧅ ᦶᦎᧇ ᦺᦉᧉ ᦢᧁᧈ ᦡᦻ
ᦃᧁ ᦓᦲᦰ ᦺᦆᧈ ᦠᦹᧉ ᦋᦱᧂᧉ ᦎᦻ ᦅᦸᧉ ᦋᦱᧂᧈ
ᦃᧁ ᦓᦲᦰ ᦗᦹᧂᧈ ᦂᧇ ᦶᦂᧁᧉ ᦷᦂᧇ ᦎᦴᧉ ᦐᧂ ᦋᦱ
ᦙᦲ ᦑᧂ ᦘ ᦍᦱ ᦷᦂᧇ ᦘᦸᧄᧉ ᦶᦙᧂ ᦙᦳᧃ ᦅᦸᧉ ᦙᦱ ᦋᦾᧈ
ᦋᦱᧂᧉ ᦠᦱᧅ ᦺᦡᧉ ᦎᦻ ᧟ ᦅᦸᧉ ᦵᦗᦲᧈ ᦷᦓᧅ ᦷᦎ ᦊᦸᧄ
ᦷᦓᧅ ᦁᧃ ᦜᧅ ᧞ ᦶᦜᧁ ᦶᦃᧃ ᦈᦲᧂᧈ ᦔᦲᧃ ᦷᦓᧅ ᦃᦸᧄᧉ
ᦟᦻ ᦃᦸᧄᧉ ᦊᦸᧄᧉ ᦋᦱᧂᧈ ᦶᦟᧃᧈ ᦺᦎᧈ ᦵᦐᦲ ᦡᦲᧃ
ᦙᧃ ᦅᦸᧉ ᦢᧁᧈ ᦢᦲᧃ ᦵᦙᦲ ᦉᦳᧂ ᦓᦲᦰ ᦶᦀᧁᧈ ᦓᦸᧃ ᦆᦱᧈ ᦺᦙᧉ
ᦷᦓᧅ ᦃᦲᧉ ᦺᦃᧉ ᦅᦸᧉ ᦔᦲᧃ ᦷᦓᧅ ᦂᦰ ᦂᦱᧂ ᦓᦱ
ᦋᦱᧂᧈ ᦌᦸᦰ ᦂᦲᧃ ᦔᦴ ᧞ ᦔᦱ ᦂᦱᧃᧉ ᦆᦸ ᦵᦟᦲᧃ ᧞ ᦡᧅ ᦊᦴᧈ
ᦷᦓᧅ ᦔᦴᧈ ᦏᧁᧉ ᦓᦲᦰ ᦔᦲᧃ ᦷᦓᧅ ᦀᦲᦰ ᦎᦲ
ᦷᦓᧅ ᦉᧅ ᦔᦲ ᦓᦲᦰ ᦶᦃᧃ ᦠᦱᧅ ᦍᧂ ᦷᦉᧇ ᦉᧁᧉ
ᦢᧁᧈ ᦵᦖᦲᧃ ᦷᦓᧅ ᦡᧄ ᦔᦱ ᦟᦱᧂᧉ ᦌᦽᧈ
ᦗᦸ ᦵᦔᧀᧈ ᦺᦡᧉ ᦞᦱᧈ ᧟ ᦷᦅᧃ ᦜᦱᧉ ᦏᦳᧅᧈ ᦷᦈ
ᦷᦓᧅ ᦁᧃ ᦷᦀᧈ ᧞ ᦖᦲᧃ ᦶᦃᧃ ᦈᦲᧂᧈ ᦔᦲᧃ ᦷᦓᧅ ᦠᦸᧃ ᦧᦱᧃ
ᦙᧃ ᦉ ᦶᦛᧂ ᦠᦱ ᦡᦽᧉ ᦁᦱ ᦠᦱᧃ ᦋᦰ ᦏᦾᧈ
ᦆᦸᧄᧉ ᦃᦾᧈ ᦶᦂᧁᧉ ᦷᦎ ᦓᦾᧉ ᦆᦹᧃ ᦋᦱᧂᧈ ᦣᦸᧂᧉ ᦺᦓ ᦠᦽᧉ ᦍᦱᧄ ᦵᦙᦲᧈ ᦵᦡᦲᧅ ᦀᦸᧃ ᦋᦸᧃ
ᦃᧁ ᦋᦱᧂᧈ ᦀᦸᧃ ᦋᦸᧄ ᦂᧃ ᦚᦳᧂ ᦖᦴᧈ ᦋᦳᧄ ᦍᦱᧈ ᦃᦾᧈ ᦏᧁᧉ
ᦋᦱᧂᧈ ᦊᦴᧈ ᦚᧁᧉ ᦔᦱᧈ ᦺᦙᧉ ᦵᦏᦲᧃᧈ ᦂᦰ ᦡᦳᧂ ᦷᦅ
ᦍᧂ ᦙᦲ ᦷᦓᧅ ᦷᦏ ᦷᦜ ᦷᦠ ᦡᧄ
ᦋᦱᧂᧈ ᦔᦱᧅ ᦅᧄ ᦜᦻ ᦵᦋᦲᧉ
ᦙᦲ ᦑᧂ ᦵᦀᧂᧉ ᦡᦱᧂᧈ ᦓᦾᧉ ᦶᦀᧇ ᦷᦓᧅ ᦛᧅ ᦓᦸᧃ ᦓᦱ ᦵᦝᧀ
ᦷᦓᧅ ᦁᧃ ᦆᦸ ᦍᦱᧁ ᦺᦞᧉ ᦡᦻ ᦡᦻ
ᦅᦸᧉ ᦔᦲᧃ ᦷᦓᧅ ᦍᦱᧂ ᦂᦸᧅᧈ
ᦷᦓᧅ ᦁᧃ ᦢᦲᧃ ᦉᦸᧆᧈ ᦶᦡᧃᧉ ᦵᦝᧀ ᦺᦙᧉ ᦔᦲᧃ ᦷᦓᧅ ᦂᦲᧆ ᦠᦸᧃ ᦶᦡᧂ
ᦷᦓᧅ ᦁᧃ ᦉᦻ ᦎᦱ ᦶᦂᧂ ᦓᦲᦰ ᦔᦲᧃ ᦷᦓᧅ ᦂᦱᧇ ᦈᦱᧉ
ᦙᧃ ᦋᦱᧂᧈ ᦵᦃᧈ ᦔᦱᧈ ᦊᦱᧉ ᦣᦲᧄ ᦓᧄᧉ ᦺᦡᧉ ᦂᦲᧃ ᦵᦊᦲᧈ ᦂᦹ ᦎᦹ
ᦷᦓᧅ ᦋᦱᧂᧈ ᦣᦸᧂᧉ ᦁᦹ ᦁᦱ ᦅᦸᧉ ᦔᦲᧃ ᦷᦓᧅ ᦂᧇ ᦗᦹᧆ
ᦷᦓᧅ ᦢᧁᧈ ᦋᦱᧂᧈ ᦣᦸᧂᧉ ᦵᦉᧂ ᦂᦱᧉ ᦆᦹᧃ ᦅᦸᧉ ᦔᦲᧃ ᦣᦳᧂᧉ ᦂᧇ ᦶᦜᧁ
ᦃᧁ ᦋᦱᧂᧈ ᦶᦎᧁ ᦶᦗᧁ ᦀᧁ ᦚᦳᧂ ᦖᦴᧈ ᦋᦳᧄ ᦺᦂᧈ ᦓᦾᧉ
ᦃᧁ ᦠᦱᧅ ᦡᦾᧉ ᦺᦉᧈ ᦑᦸᧂᧉ ᦢᧁᧈ ᦣᦴᧉ ᦢᦱᧇ ᦂᧇ ᦢᦳᧃ
ᦷᦓᧅ ᦁᧃ ᦣᦴᧉ ᦅᧄ ᦅᦳᧃ ᦅᦸᧉ ᦔᦲᧃ ᦷᦓᧅ ᦵᦃᧄ ᦖᦳᧃᧈ
ᦑᦸᧂᦰ ᦠᦳᧃᧈ ᦡᦽᧉ ᦙᧃ ᦓᧃᧉ ᦌᦸᦰ ᦂᦲᧃ ᦵᦊᦲᧈ ᦶᦃᧄ ᦆᦱ
ᦷᦓᧅ ᦁᧃ ᦣᦸᧂᧉ ᦵᦉᧂ ᦋᦱ ᦆᦹᧃ ᦅᦸᧉ ᦔᦲᧃ ᦷᦓᧅ ᦂᦱ ᦈᦱᧅ
ᦙᧃ ᦋᦱᧂᧈ ᦅᦲᧈ ᦔᦲᧅᧈ ᦀᦱᧉ ᦷᦎᧅ ᦊᦴᧈ ᦂᦱᧂ ᦑᦱᧂ
ᦍᧂ ᦙᦲ ᦷᦓᧅ ᦅᦸᧃ ᦠᦾ ᦂᦱᧃᧉ ᦆᦸ ᦵᦟᦲᧃ ᦋᦱᧆ ᦡᦲ ᦵᦢᦲᧈ
ᦅᧃ ᦞᦱᧈ ᦺᦕ ᦢᧁᧈ ᦵᦋᦲᧈ ᦜᦱᧉ ᦶᦉᧂ ᦓᦸᧂᧉ ᦅᦾᧈ ᦺᦔ ᦕᦸᧈ ᦑᦸᧂᦰ ᦡᦴ ᦅᦸᧉ ᦡᦲ ᦅᦱ
ᦉᦴ ᦢᦴ ᦶᦉᧂ ᧞ ᦆᦹᧃ ᦂᦱᧁᧈ ᦙᦱ ᦵᦑᦲᧈ ᦓᦾᧉ
ᦷᦓᧅ ᦵᦗᦲᧃᧈ ᦐᦻᧈ ᦔᦲᧃ ᦷᦓᧅ ᦔᦲᧆᧈ ᦑᧂ ᦜᦻ
ᦙᧃ ᦋᦱᧂᧈ ᦔᦲᧃ ᦉᦻ ᦎᧁᧉ ᦟᦳᧂ ᦙᦱ ᦔᦲᧃ ᦖᦴᧈ
ᦢᦲᧃ ᦉᦴᧈ ᦃᧁᧉ ᦷᦟᧂ ᦑᦳᧂᧉ ᦋᦱᧂᧈ ᦂᦲᧃ ᦖᦱᧅ ᦔᦻ ᦵᦝᦲᧂ
ᦵᦉᧂ ᦷᦉᧇ ᦂᦲᧉ ᦶᦓᧃ ᦵᦓᦲᧂ ᦋᦱᧆ ᦡᦲ ᦵᦢᦲᧈ
ᦃᧁ ᦋᦱᧂᧈ ᦠᦳᧄ ᦵᦋᦲᧈ ᦂᦸᧉ ᦂᧃ ᦺᦞᧉ ᦔᦲᧃ ᦷᦓᧅ ᦈᦸᧅᧈ ᦔᦱᧈ ᦣᦱᧂ ᦶᦃᧃ
ᦶᦉᧃ ᦎᦱ ᦠᧃ ᦠᦱᧅ ᦗᧃ ᦡᦲ ᦵᦄᦲᧉ
ᦵᦗᦲᧃᧈ ᦊᦳᧂᧈ ᦺᦡᧉ ᦙᦱ ᦺᦞᧉ ᦀᧁ ᦠᦾᧉ ᦔᦱᧅ ᦎᦴ ᦵᦣᦲᧃ
ᦢᧆ ᦵᦡᧁ ᦷᦢ ᦵᦋᦲᧃ ᦶᦉᧂ ᦆᦹᧃ ᦅᦸᧉ ᦙᦱ ᦢᦸᧅᧈ ᦋᦻ ᦔᦲᧃ ᦀᦲᧉ
ᦓᦸᧂᧉ ᦙᦱ ᦶᦈᧆ ᦋᦹᧈ ᦡᦽᧉ ᦆᦱᧁᧈ ᦷᦓᧅ ᦆᦹᧃ ᦅᦸᧉ ᦐᦾᧉ ᧑ ᦢᧁᧈ ᦜᦻ
ᦓᦸᧂᧉ ᦣᧅ ᦀᦻᧉ ᦅᦾᧈ ᦀᧁ ᦶᦈᧅᧈ ᦑᧄ ᦊᦻ
ᦁᦱ ᦅᦸᧉ ᦍᧂᧉ ᦐᦲᧉ ᧟
《森林中的万羽和鸣》
听吧
莽林吞际碧连穹
绿树成荫蔽日空
鸟鸣声声绕林间
奇花斗艳映林红
蜂儿采蜜勤穿梭
今日妹来话百禽
数数林中的百鸟
百鸟聪慧属燕子
呢喃细语谢春风
鲲鹏展翅九万里
它是吉祥的化身
孔雀金翎焕霞辉
翠羽鎏金缀彩屏
茶林枝头小红鸟
绛影穿林曳晚晴
铁链鸟振蓝黑翅
翎羽光滑色如晶
长空万里凤求凰
犀鸟昂头冠似金
铁喙裂云破风声
窗外斑鸠鸣叫声
悠扬入耳静心庭
湖边翠鸟修容形
碧波一闪翠光行
成群结对的麻雀
枝头叶底总无宁
自由灵动画眉鸟
百啭千声随意移
绿豆鸟儿真敏捷
山谷翩跹舞姿盈
林中百鸟啼鸣声
声声入耳沁心脾
战胜大象‘叠赛’鸟
小身巨力令人惊
羽毛斑驳的鹌鹑
舞态轻盈又飞扬
栖息矮小灌木上
湿地隐士黄秧鸡
伸长脖颈寻觅食
戴胜喙细长微弯
掏挖土中的幼虫
深夜莽林中鸣叫
林间白头歌声扬
秧鸡稻田里小憩
脖颈长长是黄鹭
红色冠羽点水雀
树叶底下忙穿梭
眼神敏捷“嘎咋鸟”
水边草丛来觅食
布谷飞飞催春种
雄鹰唳鸣透云层
飞身直下抓小鸡
利爪擒鸡作哺羹
最懂人性“很闷”鸟
草丛觅食自安宁
喜鹊喳喳枝头叫
展翅飞翔落路中
林中百鸟数不尽
妹言非虚君可聆
人皆厌者是谷雀
成群啄谷坏收成
叽喳叫声惹人嫌
织布鸟巢挂枝上
众人观之赞玲珑
有人捡来挂房门
妹来述说众人听
鸟儿种类繁又多
今日略述一小宗
妹且歇息暂辞行
演唱：咪光香 伴奏：岩温婉 作词：咪光香 录音：岩叫 玉喃罕 译文：岩温的 玉喃罕
